یو بل فلسطیني ځلمی د صهیونیسټانو په ډزو شهید شو

تیره ماښام یو فلسطیني ځلمی د لویدیځې غاړې د بیت لحم سیمې په الخضر ښارګي کښې د صهیونیسټي پوځیانو د ډزو له امله شهید شوی دی

د فلسطین د کورواکه تشکیلاتو د حکومت د روغتیا وزارت وویل چې ۱۴ کلن فلسطیني ځلمی محمد شحاده د بیت لحم د سویل په الخضر ښارګوټي کښې د صهیونیسټو پوځیانو له خوا په شویو ډزو کښې شهید شو.

د اسرائیلو خبري سایټونو ادعا کړې چې دغه ماشوم هغه وخت د اسرائیلي پوځیانو په ډزو لګیدلی چې په هغوي باندې یې د کاڼي ګوزار کوه.

د پيښې شاهدانو ویلي چې دغه ماشوم په ډزو له لګیدو نیم ساعت وروسته روغتون ته وړل شوی دی.

د الخضر ښارګي خلکو د صهیونیسټانو د دغه جنایت په غندنه کښې لاریون وکړ چې له صهیونیسټي پوځیانو سره په نښتې بدل شو.