د یمن ملت به خپلې بریاوې وساتي
آل سعود رژيم او دهغو متحدان تردې دمه د یمن د ولس د مقاومت په دلیل نه دي توانیدلی،په دغه هیواد کې خپلو سپیرو موخو ته چې د خپل لاسپوڅي قدرت ته رسول دي،نه دی رسیدلی .
د یمن د پوځ ویندوي په دغه هیواد د سعودي ائيتلاف دتیریو په اتمې کلیزې کې په یولړ څرګندونو کې ووئيل ، شاتګ هیڅکله هم په ایجنډا کې نشته او دیمن ملت به خپلې بریاوې په ورین تندي سره وساتي .
المسیره ټيلیویژنی چینل راپور ورکړ ، دیمن دپوځ ویندوي یحیی سریع پرون په خبری کنفرانس کې ووئيل و ددغه هیواد ولس د سعودي اماراتي ائيتلاف دتیریو له اوو کلونو تیریدا وروسته هماغه شان مقاومت کوي او کلک دریدلی دی او دا موضوع یوه تاریخي بریا ده .
هغه دې ته په اشارې سره چې په تیرو اوو کلونو کې ، دیمن په ښارونو په زرګونو بمونه اوتوغندي ووریدل ووئيل ، په دغو تیریو او جنایتونو پسې په لسګونو زره یمن وال شهیدان او ټپیان شوي دي . یحی سریع ددې خبرې په کولو سره چې تر نن پورې په یمن د سعودي ائیتلاف له خوا دوه لکه څلور اویا زره دوه سوه درې څلویښت حملې ثبت شوي دي ، روښانه کړه ، تیریګر ائیتلاف په تیرو اوو کلونو کې له ممنوعه وسلو هم استفاده کړې ده .
دیمن دپوځ ویندوي دې ته په اشارې سره چې د یمن دښمنان باید ددغه هیواد په داخلی چارو کې له ګوت وهنو لاس په سر شي ، ووئیل ، د یمن پوځ څه دپاسه دیارلس زره پوځي عملیات ترسره کړي دي، چې په هغو کې یرغلیز ، دفاعي عملیات او د دښمن د حملو په وړاندې دفا شامله ده . په دغو عملیاتو کې د سعودي عربستان دپوځ څه دپاسه لس زره پوځیان او د متحده عربی اماراتو هم څه دپاسه یو زر دوه سوه عسکر هلاک شوي دي .
آل سعود رژيم او دهغو متحدان تردې دمه د یمن د ولس د مقاومت په دلیل نه دي توانیدلی،په دغه هیواد کې خپلو سپیرو موخو ته چې د خپل لاسپوڅي قدرت ته رسول دي،نه دی رسیدلی .
