اتحاد د یمن د کړکیچ یوازنۍ حل لاره ده
المیادین ټیلي ويژن راپور ورکړ د یمن د ملي ژغورنې د حکومت د سیاسي دفتر غړي محمد البخیتي ټینګار وکړ د خارجي تیري په مقابل کښې متحد کیدل او د یمن په ازادولو کښې د ټولو خلکو ګډون د دغه هیواد د کړکیچ د حل یوازنۍ لاره ده .
هغه وویل مونږ داسې سولې ته تیار یوو چې د یمن د ټولو خلکو لپاره کرامت او سترتوب رامینځته کړي .
محمد البخیتي وویل د هغو ټولو کسانو په لور چې د تیریګرو هیوادونو دوکه یې خوړلي ده د ازادۍ د عملیاتو د بشپړولو لپاره د متحد کیدا لپاره زمونږ لاسونه خلاص دي .
له تیرې شنبې ورځې راهسې د ملګروملتونو په څارنې سره په یمن کښې دوه میاشتې اوربند پیل شوی خو د یمن سرچینو ویلي دي چې د سعودي عربستان تیریګر ائتلاف په تیرو څلرویشتو ساعتونو کښې یوسل نهه پنځوس ځله د اوربند خلاف ورزیانې کړي دي .
سعودي عربستان د امریکا د متحده عربي اماراتو ، بحرین ، اردن ، انګلستان او د اسرائیلو په شمول د ځینو هیوادونو په ملاتړ سره د ۲۰۱۵ میلادي کال له مارچ میاشتې راهسې د یمن پرضد پوځي تیریو او له ځمکې ، سمندر او هوا څخه کلابندۍ ته دوام ورکړی دی .
په یمن کښې د سعودي عربستان په بمباریو او تیریو کښې په لسګونو زره کسان مړه او ژوبل شوي او په میلیونونو نور کډوال شوي هم دي .
