د لبنان حزب الله هم د افغانسان ترهګرې چاودنې وغندلې

د لبنان حزب الله له اسلامي حکومتونو او دیني مراجعو وغوښتل چې د دغه ترهګر اقدام ملاتړي تر تعقیب لاندې راولي

د لبنان حزب الله غورځنګ بیګا د یوې خبرپاڼې په خپرولو او په افغانستان کښې د ترهګرو چاودنو په غندلو سره وویل چې دا ترهګر اقدامات د رمضان د مبارکې میاشتې او د خدای د کور د حرمت سپکاوی دی

حزب الله د افغانستان پرونۍ پیښې د بیګناه خلکو د وینې بهونې په لړ کښې یو خطرناک کار او د هغو قاتلانو د وحشي توب بیانونکې وبللې چې له هر ډول انساني، اخلاقي او مذهبي ارزښتونو لرې دي.

د لبنان حزب الله له اسلامي حکومتونو او دیني مراجعو وغوښتل چې د دغه ترهګر اقدام ملاتړي تر تعقیب لاندې راولي.

دغه غورځنګ وویل چې افغانستاني چارواکي دې له داعش ترهګرې ډلې سره جدي مقابله وکړي او د ورته پيښو د مخنیوي لپاره دې ښې تابیاوې غوره کړي.