امریکا د مینځني ختیځ حالات خرابوي
ایرنا خبري اژانس وايي د امریکا د ولسمشر جوبایډن حکومت چې د واشنګټن د سلطه غواړو هدفونو د پرمخ بیولو لپاره د خبرو اترو او د ډيپلوماسۍ ادعا کوي د خپل هیواد له سرحدونو زرګونو کلومیټره لیرې د خپلو متحدانو د امنیت د تامینولو په پلمه د لویدیځې اسیا سیمې د حالاتو د خرابولو او د بلا غوښتنې په حال کښې دی.
د امریکا هوايي ځواک ویلي دي چې د دغه هیواد دوو(۲) بي دوه پنځوس جنګي الوتکو په تیرې شنبې ورځ په لویدیځې اسیا سیمې کښې ماموریت ترسره کړ.
د سعودي عربستان دفاع وزارت هم پرون وویل چې د عربستان په شمال کښې په باچا فیصل هوايي اډې کښې د امریکا او د عربستان د هوايي ځواکونو ترمینځ ګډه پوځي مانوره پیل شوي ده.
دا د تیرې جون میاشتې په نیمايي کښې سعودي عربستان ته د امریکا د ولسمشر جوبایډن له سفر وروسته د واشنګټن او د ریاض دوهمه ګډه پوځي مانوره ده چې ترسره کیږي.
امریکا، سعودي عربستان ، بریتانیا، متحده عربي امارات او نور عرب او اروپايي هیوادونه د مینځني ختیځ سیمې د حالاتو اصلي خرابونکي او د داعش ، القاعده او نورو ترهګرو ډلو اصلي جوړونکي هیوادونه دي.
