د یمن ملت له هرډول نیواک سره مخالف دی
المسیره ټیلي ويژن راپور ورکړ د یمن د ملي ژغورنې د حکومت لومړي وزیر عبدالعزیز بن حبتور ټینګار وکړ؛ د یمن ملت له هر ډول نیواکګرۍ او استعمار سره مخالف دی.
هغه په یوې وینا کښې په دې خبرې سره چې په تیر وخت کښې د انګلستان له استعمار څخه کړیدو وویل د یمن جنوبي ولایتونه نن سبا د انګلستان تر نیواک لاندې دي.
د یمن د ملي ژغورنې د حکومت لومړي وزیر عبدالعزیز بن حبتور وویل د ښارونو د جزیرو او د سمندر په شمول د نیواکي سیمو د ازادولو لپاره هڅه او جنګ به دوام ولري.
په همدې لړ کښې د یمن د لوړې سیاسي شورا غړي شیخ جابر الوهباني وویل د سره سمندر، د یمن د الحدیده او تهامه سیمو خلک او ټول یمن له هر ډول استعمار او نیواک سره مخالف دي او مونږ ژمنه کړي ده چې د یمن د خاورې لویشته لویشته ځمکه به له نیواکګرانو ازاده کړو.
سعودي عربستان د امریکا د متحده عربي اماراتو، امریکا او د صهیونیسټ رژیم په ملاتړونو سره له ۲۰۱۵ میلادي کال راهسې د یمن د بې وزله او د مظلومو خلکو پرضد جنګ پیل کړی چې تراوسه پکښې څه د پاسه شپاړس زره خلک وژل شوي، په لسګونو نور ژوبل شوي او میلیونونو نور کډوال شوي هم دي.
