سعودي رژیم د ټویټر کارکونکی له مخالفانو د جاسوسۍ لپاره کاروي

رسنیزو سرچینو له مخالفانو څخه د جاسوسۍ لپاره د ټویټر له کارکونکي د سعودي رژیم د استفادې خبر وکړي.

العالم چینل پرون په یو خبر کښې وویل چې سعودي عربستان د سعودي ولیعهد محمد بن سلمان د دفتر د مشر بدر العساکر په مرستې سره، د احمد ابوعمو په نامه د ټویټر یو کارکونکی په ټویټر کښې له عربستاني مخالفانو د جاسوسۍ لپاره ګمارلی دی.

په دې لړ کښې وال سټریټ جرنل ورځپاڼې په یو رپورټ کښې ولیکل: د بن سلمان د دفتر مدیر بدر العساکر احمد ابو عمو په خدمت اخیستی دی او دواړو په لندن کښې سره کتلي دي او العساکر ورته د مجتهد په نامه د یو مخالف د ټویټر اکاونټ د بندولو په بدل کښې د څه باندې ۴۰ زره ډالرو قیتمي ګړۍ ورکړې ده خو د اکاونټ د بندولو په لړ کښې یې هلې ځلې کامیابې نه وې.