د نیواکي فلسطین خلکو د نتانیاهو پرضد مظاهرې وکړې
فارس خبري اژانس راپور راکړی د نیواکي فلسطین په بیلابیلو ښارونو کښې زرګونو اسرائیلي ښارګي میشته خلکو د پرله پسې څلورمې اونۍ لپاره د دغه رژیم د اوسنۍ کابینې پرضد مظاهرې وکړې.
روانه اونۍ هم صهیونیسټان د نورو شنبو ورځو په شان د نیواکي فلسطین د ښارونو واټونو په تیره بیا د تل اویو او د حیفا واټونو ته راووتل او د اوسني حکومت پرضد یې مظاهرې وکړې.
د نیواکي فلسطین د ټاټوبو شنبې ورځې د اوسني لومړي وزیر بنیامین نتانیاهو لپاره په تورو ورځې باندې بدلې شوي دي.
سلګونو زره ښارګي میشته صهیونیسټان د اسرائیلو د ښي پالي سرزوري کابینې او د هغې په غیر قانوني اقداماتو او په سرزوریو باندې د اعتراض کولو لپاره واټونو ته راوځي او هغوې د لیکوډ ګوند او د هغه د متحدانو تر نسکورولو پورې د اعتراضونو د دوام اراده لري.
د اسرائیلو د اوسني دیکتاتور او سرزوري لومړي وزیر بنیامین نتانیاهو پرضد مظاهرې او د صهیونیسټ رژيم د سیاسي ګوندونو ترمینځ اختلافات وورسته له دې زیات شول چې د نتانیاهو په مشرۍ د تل اویو نوي کابینې د دغه رژیم د قضايي نظام د اصلاح کولو لپاره یو پلان وړاندې کړ.
