د سوریې په هکله د امریکا اقدام نمایشي دی
تسنیم خبري اژانس راپور راکړی د لبنان د حزب الله غورځنګ یوه مسوول په سوریې او ترکیې کښې زلزله ځپلیو ته د څو میلیونه ډالره مرستو په بیلولو کښې د امریکا نمایشي اقدام ته په غبرګون کښې وویل دغه پیسې د سوریې د شمال د تیلو له څاګانو څخه د امریکا د یوې ورځې د غلا کولو برابرې دي.
د امریکا خزانې وزارت په تیرې جمعې ادعا وکړه چې تر یوسل اتیاو ورځو پورې د سوریې پرضد ځینې بایکاټونه ځنډوي چې له زلزله ځپلیو سره د مرستو کولو لپاره د معاملاتو د ترسره کیدا امکان برابر شي.
دا په داسې حال کښې دي چې امریکا په سوریې کښې له داعش او ترهګرۍ سره د مقابلې په پلمه د سوریې پرضد په لس کلن جنګ کښې په دغه هیواد کښې د بیلتون غواړو عناصرو ملاتړ کړی دی او د سوریې د تیلو بډایه سیمې یې په خپل نیواک کښې وروستلي دي.
د حزب الله د مرکزي شورا غړي شیخ حسن البغدادي وویل سیمه د امریکا د کلابندۍ او د واشنګټن له غوښتنو د ځینو عربو رژیمونو د بشپړه پیروۍ په خاطر له کړکیچنو شرایطو سره مخ ده.
هغه وویل امریکا د سیمې د ملتونو له لوږې سره د مخامخ کولو کوشش کوي او دا د امریکا د حکومت ماهیت او حقیقت چې نه انسانیت پيژني او نه بشري حقوقو ته هیڅ ارزښت ورکوي ښکاره کوي.
