د صهیونیسټ رژیم د اطلاعاتو وزیر استعفا وکړه
خبری سرچینو د جمعې په سهار خبر ورکړ چې د صهیونیسټ رژیم د اطلاعاتو وزیر ګالیت ډیسټل له خپلې دندې استعفا کړې ده .
خبری سرچینو د جمعې په سهار خبر ورکړ چې د صهیونیسټ رژیم د اطلاعاتو وزیر ګالیت ډیسټل له خپلې دندې استعفا کړې ده .
د ایرنا په وینا؛ ګالیت ډیسټل د ایکس ټولنیزې شبکې (پخواني ټویټر) کې لیکلي چې د صهیونیسټي کابینې د اړونده وزارت فعالیتونه د بهرنیو چارو وزارت ته سپارلي دي.
زياتو خبريالانو او کتونکو له دې مخکې ويلي وو، چې یاد وزارت هيڅ حقیقي صلاحیتونه نلري؛ ځکه دا وزارت د لومړي وزیر د دفتر له لورې تشکیل شوی وو.
د صهیونیسټ رژیم د اطلاعاتو د وزیر استعفا په داسې حال کې مطرح کیږي چې د فلسطین د مقاومت ځواکونو په نیواک کې د صهیونیسټی رژیم په خلاف له تېرې شنبې څخه له غزې (جنوبی فلسطین) څخه د «الاقصی طوفان» په نامه پراخ او بې ساری عملیات پیل کړي دي.
