د نتانیاهو او د هغه د جنګ وزیر ګواښونه پوچ دي
: د اسرائیلو دښمن په لبنان د خپلې ارادې د ورتپلو په موقعیت کښې نه دی.
دلبنان د حزب ا... د اجرایی شورا مرستیال مشرپه یوه وینا کښې د حزب ا... غورځنګ او لبنان په وړاندې د صهیونیسټ رژیم د لومړی وزیر او نورو چارواکو ګواښونه بې ځایه او پوچ وبلل او د لبنان پرضد یې د هرډول اقدام په وړاندې خبرداری ورکړ.
د العهد خبری سایټ د راپور له مخې، د لبنان د حزب ا... د اجرایی شورا مرستیال مشر شیخ علی دعموش وویل: د اسرائیلو دښمن په لبنان د خپلې ارادې د ورتپلو په موقعیت کښې نه دی.
ده ټینګار وکړ د نتانیاهو او د هغه د جنګ وزیر ګواښونه پوچ او بې ارزښته دی، دښمن ښه پوهیږی چې مونږ د ګواښونو او تهدیدونو پروا نه لرو، ځکه چې مونږ د میدان او مقاومت خلک یو او له ۱۹۹۳ تر ۱۹۹۶ او همداراز د ۲۰۰۶ کال ټولې تجربې هم دې خبرې ثبوت دی چې مونږ ه د دوی له ګواښونو نه وېرېږو او هر ځل چې پر مونږ برید وشو، د خپل هېواد او ملت لپاره مو بریا ترلاسه کړه.
ده همداشان وویل: نن که دښمن په لبنان د بیا حملې فکر وکړي، نو د خدای په خوښه به د لبنان د هیواد او ملت لپاره نوې بریا ترلاسه کړو.
