د فلسطین مبارزانو یوشمیر اسرائیلي عسکر وژلي
مهر خبري اژانس راپور راکړی د فلسطین د مجاهدینو غونډونو د خان یونس په لویدیځ کښې د فلسطین د مقاومت ډلو په تر ټولو نویو عملیاتو کښې د یوشمیر صهیونیسټي عسکرو د وژل کیدا خبر ورکړ.
د فلسطین د مجاهدینو غونډونو د یوې بیانیې په خپرولو سره وویل د فلسطین د اسلامي جهاد غورځنګ د پوځي څانګې قدس غونډونو په مشارکت سره یې یوشمیر عملیات کړي دي او د فلسطیني سنایپر(sniper) لخوا له حملې وروسته شپږ صهیونیسټي پوځيان هلاک شوي دي.
الاقصی غونډونو هم وویل چې په یوسل اوو راکټونو سره یې د مرکزي سیمې په شمال ختیځ کښې د نتساریم» په چورلیز کښې د نیواکګرو پوځیانو په مرکزونو بریدونه کړي دي.
الاقصی غونډونو دغه راز په خانس یونس ښار کښې د صهیونیسټ پوځیانو په مرکزونو باندې د هوانونو د حملې خبر ورکړ.
له دې سره په یووخت د صهیونیسټ رژيم رسنیو هم د غزې په جنوب کښې د سختې امنیتي پیښې خبر ورکړی دی او ویلې يې دي چې په دغه پیښه کشې د اسرائیلو کابو اوه پوځيان هلاک شوي دي.
دغه راز د فلسطین د روغتیا وزارت وویل چې د غزې تړانګې پرضد د صهیونیسټ رژيم د حملو د شهیدانو شمیر څه د پاسه نهویشت زره او شپږ سوه لسو ته رسیدلی دی.
