حماس له تل ابیب سره مستقیمې خبرې رد کړې
د فلسطین د حماس غورځنګ له اسرائیلي استازو سره هر ډول مستقیمې خبرې رد کړې او ټینګار یې کړی چې خبرې اترې یوازې د منځګړو له لارې ترسره کیږي.
د تسنیم خبري اژانس د را پور له مخې؛ د حماس غورځنګ له اسرائیلي استازو سره هر ډول مستقیمې خبرې رد کړې او ټینګار یې کړی چې خبرې اترې یوازې د منځګړو له لارې ترسره کیږي.
د حماس د قوماندې یوې سرچینې الجزیرې شبکې ته ویلي: «موږ په قاطع ډول د غزې د اوربند په خبرو اترو کې له صهیونیستي رژیم د استازو سره مستقیمې لیدنې او خبرې رد کوو.»
دې سرچینې د فلسطیني بندیانو د لیست د وروستیو خبرونو په اړه وویل چې د هغو فلسطیني بندیانو په اړه خبرې، چې د صهیونیستي رژیم له زندانونو څخه باید خوشې شي، لا هم روانې دي.
هغه زیاته کړه: «حماس نن سهار د غزې په تړانګه کې د اوربند د پلي کولو د مهالوېش په اړه خپل وروستی ځواب منځګړو ته اعلان کړی دی.»
