غزې ته د بشري مرستو د لیږد لړۍ پیل شوه
پارس ټوډی - د رسنیو راپورونه ښيي چې سلګونه بار وړنکي موټرې چې بشري مرستې لېږدوي، د کرم ابوسالم او العوجه گذرګاوو ته تللي، ترڅو غزې تړانګې ته ننوځي او ځینې کمېونونه لا دمخه د غزې ښار ته رسېدلي دي.
د یکشنبې په ورځ ۴۰۰ کمېونونه چې بشري مرستې یې لېږدولې، د کرم ابوسالم او العوجه گذرګاوو ته روان شول ترڅو د تفتیش وروسته غزې تړانګې ته ننوځي.
تر اوسه ۹۰ کمېونونه د مصر له لوري د رفح له گذرګاه څخه کرم ابوسالم او العوجه ته ننوتلي دي.
دا لومړی ځل دی چې له تېر مارچ راهیسې بشري مرستې د العوجه گذرګاه ته ننوځي.
د الجزیرې شبکې خبریال راپور ورکړی چې ځینې کمېونونه د غزې ښار ته رسېدلي دي.
ويل کېږي چې د رفح گذرګاه به د سېشنبې په ورځ د ناروغانو او ټپیانو د وتلو لپاره پرانیستل شي.
د حماس او صهیونیستي رژیم ترمنځ د شوي توافق له مخې، هره ورځ به ۶۰۰ کمېونونه چې بشري مرستې لېږدوي، د غزې تړانګې ته ننوځي.
