حماس: ټول ژوندي صهيونيستي اسيران سپارل شوي دي

پارس ټوډی – د فلسطين د اسلامي مقاومت د غورځنګ حماس پوځي څانګې، «د شهيد عزالدين القسام ډلې»، اعلان وکړ چې ټول ژوندي صهيونيستي اسيران او هغه جسدونه چې ترې لاسرسی ممکن و، د اسيرانو د تبادلې په چوکاټ کې وسپارل شول.

په اعلاميه کې زياته شوې: د پاتې جسدونو د موندلو لپاره ځانګړو وسايلو او پراخو هڅو ته اړتيا ده او د لټون عمليات دوام لري.

القسام ډلې ټينګار وکړ چې د فلسطين مقاومت د اسيرانو د تبادلې تړون له ټولو تعهداتو سره وفادار پاتې شوی دی.