قطر او ترکیه په لېبیا کښې له وسله والو ډلو څخه ملاتړ ته دوام ورکوی
د فرانس د استخباراتو د ادارې پخوانی افسر آلن رودیه په لېبیا کښې له سلفی او وهابی غورځنګونو څخه د ترکیې او قطر د ملاتړ له دوامه پرده اوچته کړه.
دغه پخوانی فرانسوی افسر له اکسټرا نیوز چېنل سره په مرکه کښې وویل، د لېبیا حالات سخت بحرانی دی. او د هغه څه په سیوری کښې چې د دغو دواړو هېوادونو ترملاتړ لاندې ترهه ګرې ډلې یې ترسره کوی لېبیا د وجود له دئرې څخه خارجه بللې شو.
قطر ډېر خطرناک دهشتګرد قوماندانان چې په سوریې او افغانستان کښې یې زیاته تجربه حاصله کړې ده له 2011 کال راهسې د لېبیا د ملی فوځ په صفونو کښې شامل کړی دی.
د لېبیا د فوځ د ویاند کرنل احمد مساری د رپوټونو او څرګندونو له مخې د قطر او ترکیې اصلی مقصد د لېبیا د وسله والو ځواکونو د عمومی قوماندان جنرل خلیفه حفتر لرې کول او د تیلو د هلالی سیمې کنټرول په لاس کښې اخېستل دی چې تر اوسه د دغو دواړو هېوادونو تر ملاتړ لاندې ډلې پکښې کامیابې شوې نه دی. رودیه په دوام کښې وویل، په لېبیا کښې وسله والې نښتې او ترې د ځینو هېوادونو ملاتړ د سیمې تاوتریخوالی زیات کړی دی او بحران نه هواروی.
د قطر حکومت په لېبیا په تېره بیا په پائتخت طرابلس کښې خپلو نوکرانو ته د وسلو د رسولو لپاره د سوډان له پولو استفاده کوی.د سوډان ختیځ حکومت هم په لېبیا کښې له دهشتګردو او تندلارو ډلو څخه د ملاتړ په ذریعې سره د تاوتریخوالی په وجه قطر او ترکیه غندلی دی.
