امریکایی ایتلاف بیا په سوریه کې ملکي کسان ووژل
د سوریې په شمال ختیځ کې د داعش ترهه ګرو ډلې او امریکایی ایتلاف د جنګي الوتکو په حملو کې د دغه هیواد یو شمیر ښاریز مړه او ژوبل شول.
د العالم چینل د راپور هل مخې نن د سوریې د شمال ختیځ په رقه ښار کې د داعش په خلاف د امریکایی ایتلاف په نویو حملو کې د یوې کورنۍ اته کسان منجمله پینځه ماشومان ووژل شول.
په عین حال کې د دیرالزور په حی القصور سیمه کې د داعش ډلې له خوا د هاوان په برید کې یو شمیر ملکي کسان مړه شول ، او خبرونه وایي چې د مړو شمیر نور هم زیات شوی دی.
د امریکا تش په نامه داعش ضد ایتلاف په تیره میاشته کې ۱۰۴ ملکي سوریاوال منجمله دیرش ماشومان د رقه ښار په لویدیځ کې وژلې دي.
امریکا او د هغې یو شمیر هم تړونو هیوادونو د دوه زره څوارلسم کال له اګسته د داعش له ترهه ګرې ډلې سره د مقابلې په پلمه د ملګرو ملتو له چوکاټه بهر او د سوریې له دولت سره له هماهنګۍ پرته پوځی ایتلاف جوړ کړی دی.
