د سوریې پوځ المیادین ښار ته ننوت

د سوریې د دولت مخالفانو د سوریې په ختیځ کې د داعش ترهه ګرې ډلې  یوې مهمې اډې  المیادین ښار ته د سوریې د پوځ د  ننوتلو خبر ورکړ.

د العالم چینل د راپور له مخې د سوریې د دولت د بهرمیشته مخالفانو پورې تړلې د سوریې د بشري حقوقو  د څار کمیټې اعتراف وکړ: د سوریې پوځ دداعش مهمې اډې المیادین ښار ته داخل شوی دی.

د سورې پوځ  د دغه هیواد په ختیځ کې د خپلو پرمختګونو په دوام کې  پرون په دیر الزور کې د داعش ترهه ګرو یو مهم او خطرناک مرکز پینځه کلومټیرۍ ته رسیدلی و.

د سوريې ځواکونو په دغه سیمه کې د داعش له ترهه ګرو سره له سختو نښتو وروسته  وکړی شول د دیرالزور نړیوال سړک ځینې برخې ونیسي او ترهه ګرو ته د سر او مال درانه تاوانونه واړوي.