ترکیه دې دسورئې له ادلبه خپل عسکر وباسی
دترکیې دغه اقدام نه یوازې د آستانې په غونډې کې د ضمانت کونکو هیوادونو له موافقې سره هیڅ ارتباط نه لری ، بلکې له دغو موافقو سره په تضاد کې او هم د دغو موافقو دخلاف ورزۍ په معنا دی .
دسورئې سانا رسمی خبری آژانس را پور ورکړی ، دسورئې خارجه وزارت پرون مازدیګر دیوې اعلامیې په خپرولو سره وئیلی دی ، ادلب ته دترکیې دپوځی ځواک ورتلل محکوموی او دا د سورئې دملی حاکمیّت ښکاره خلاف ورزی ګڼی .
په دغې اعلامیې کې وئیل شوی دی ، دترکیې دغه اقدام نه یوازې د آستانې په غونډې کې د ضمانت کونکو هیوادونو له موافقې سره هیڅ ارتباط نه لری ، بلکې له دغو موافقو سره په تضاد کې او هم د دغو موافقو دخلاف ورزۍ په معنا دی .
دسورئې خارجه وزارت دترکیې له پوځی ځواکه غوښتی دی ، زرترزره دې د سورئې له خاورې ووځی ،ځکه چې دهغوی ورتلل دسورئې په حاکمیّت ښکاره تیری دی اوترکیه ئې هیڅ توجیه نشی ورکولی .
داپه داسې حال کې دی چې د قزاقستان په آستانې کې دایران ،روسیې اوترکیې داستازو، دسورئې دحکومتی اومخالفو استازو اودغه راز د سورئې په چارو کې د ملګروملتو دځانګړی استازی ډی میستورا په شتون سره په موافقې کې دسورئې په ادلب ولایت کې د یوې کرارې سیمې په رامینځةکولو سره پخلاشوی وو . دسورئې خارجه وزارت په کرتو وئیلی دی ، دسورئې په خاورې کې د ترکیې پوځی شتون غیر قانونی دی .
