حزب الله په غزه کښې د صهیونیسټانو جنایتونه وغندل
د لبنان حزب ا... په غزې تړانګې د صهیونیسټ رژیم جنایتکارانه حمله وغندله چې پکښې څو فلسطینیان شهیدان شوي دي.
د ایرنا د خبر له مخې د لبنان حزب ا... غورځنګ پرون په یوه خبرپاڼه کښې په غزې باندې د صهیونیسټي رژیم نوې حمله د صهیونیسټي رژيم د جنایتکارانه سیاست دوام وباله او ټینګار یې وکړ چې پر دغې تړانګې د اسرائیلو نوی تیری د اسرائیلو رژیم د وخشیانه خوي بیانونکی دی خو بیا هم ځیني هڅه کوي چې دا رژیم عربانو ملګری معرفي کړي.
حزب ا... ټینګار وکړ چې د صهیونیسټي رژیم دا ډول حملې به د مقاومت ډلې د فلسطیني ټاټوبي تر آزادۍ پورې د صهیونیسټي رژیم په وړاندې د مجاهدت او د فلسطینیانو د ملاتړ د لارې له دوامه هیڅکله ونه غړوي.
د لبنان د حزب ا... په خبرپاڼه کښې راغلي دي چې په غزې تړانګه کښې د اسرائیلو رژیم جنایتونه د امریکې په ملاتړونو او په نړیوالې چپتیا سره ترسره کیږي او دا ملاتړ د غزې تړانګې په کلابندۍ کښې له نیواکګرو سره ملګرتیا ده.
حزب ا... همداشان له صهیونیسټي رژيم سره په مقابله کښې چې د امریکې له ملاتړه برخور دي، د فلسطین له خلکو، حماس غورځنګ او د فلسطین له اسلامي جهاد غورځنګ سره پر خپل بشپړ پیوستون ټینګار وکړ.
