عربی اتحادیه د بیت المقدس په مساله بیړنۍ غونډه جوړوي

د مصر حکومت اعلان وکړ د عربي اتحادیې دغړو هیوادونو خارجه وزیران به راتلونکې شنبه د دسمبر په نهمه د بیت المقدس په هکله  بیړه ناکه غونډه وکړي.

د فارس خبري اژانس د راپور له مخې عربي اتحادیې د خپلې نننۍ ورځې د غونډې په پای کې  چې د فلسطین په غوښتنه په قاهره کې جوړه شوې وه  په یوې بیانیې کې له امریکا وغوښتل چې د بیت المقدس په مساله کې د نړیوالو قوانینو  پابندي وکړی.

 عربي اتحادیې ټینګار وکړ چې د اسراییلو رژیم د پلازمینې په توګه د بیت المقدس د  اعلانولو د امریکا فیصله  په عربو ولسونو تیری، د فلسطین ولس  په حقوقو سترګې پټول او د نیړوالو موافقو ښکاره خلاف ورزي ده او د مسلمانانو او عربو د غوسې اور به غرغنډه  او په نړۍ کې به کرکه او نفرت زیات کړي.