امریکايي ائتلاف بیاهم د سوریې لسګونه بیګناه مسلمانان ووژل
د امریکايي ائتلاف جنګي الوتکو د سوریې د دیرالزور ولایت په الشعفه ښارګي کښې د خلکو په کورونو بمباري وکړه او د ۱۵ کسانو له وژلو سربیره یې یوشمیر نور هم زخمي کړل.
د امریکې په مشرۍ تش د نامې داعش ضده نړیوال ائتلاف جنګي الوتکو د سوریې د ختیځ په دیرالزور کښې په یو ښارګي باندې په حملې سره د اوو ښځو په شمول ۱۵ ملکي وګړي ووژل.
د سوریې خبري سرچینو نن خبر ورکړی چې د امریکايي ائتلاف جنګي الوتکو د سوریې د دیرالزور ولایت په الشعفه ښارګي کښې د خلکو په کورونو بمباري وکړه او د ۱۵ کسانو له وژلو سربیره یې یوشمیر نور هم زخمي کړل.
امریکې او د څو ملګرو هیوادونو یې له داعش ترهګرې ډلې سره د مقابلې په پلمه د ۲۰۱۴ کال له آګست میاشتې راهیسې د ملګرو ملتو له چوکاټه بهر او د سوریې له حکومت سره بې له غږملتیا، یو ائتلاف جوړ کړی دی. دغه امریکايي ائتلاف تراوسه د سوریې په دیرالزور، الرقه او حلب ولایتونو کښې د دغه هیواد ډیر بیګناه خلک وژلي دي.
