امریکا او اسټرالیا دفلسطین دخلکو پرضد رایه ورکړه

زمونږخبریال وایی امریکا او اسټرالیا د فلسطین په غزې تړانګې کښې د اسرائیلو د جنایتونو په اړه د خپلواکه تحقیق لپاره دملګروملتونو له اقدام سره مخالفت وکړ .

 اسټرالیا له امریکا سره ملګری شوی ده او یوازې دغو دوو(۲) هیوادونو د فلسطین په غزې تړانګې کښې داسرائیلو د جنایتونو په اړه  چې  څه دپاسه شپیته(۶۰) فلسطینیان پکښې شهیدان شوی وو دملګروملتونو د خپلواکه تحقیق له ترسره کیدا  سره مخالفت وکړ .

د ملګروملتونو د بشری حقوقو شورا یوه(۱) ځانګړی غونډه وکړه چې د فلسطین په نیواکی ټاټوبی کښې د  بشری حقوقو د بد حالت په اړه غور وکړی .

نهویشتو(۲۹) هیوادونو دملګروملتونو دبشری حقوقو د شورا په غونډه کښې  په یوه(۱)  خوله د فلسطین په نیواکی ټاټوبی کښې د بشری حقوقو  او دنړیوال بشری قانون حقوقو د خلاف ورزۍ په اړه دپلټنې لپاره دیوه (۱)خپلواکه نړیوال کمیسیون د جوړیدا لپاره رایه ورکړه .

یوازې امریکا او اسټرالیا ددغه کمیسیون دجوړیدا پرضد رایه ورکړه او څوارلسو(۱۴) هیوادونو هم رایې وانه اچولې .

په دغه غونډې کښې  اسټرالیا وویل  دغه هیواد داسې  نظر لری چې اسرائیل جایزې امنیتی اندیښنې لری او دځان ددفاع کولو حق لری .