دیمن عسکرو په عربستان بیا توغندی ویشتلی

زمونږ خبریال وایی دیمن پوځ دسعودی عربستان دتیریګرو عسکرو جنایتونو ته په ځواب کښې د برکان ایچ دوه(Burkan-2H) ډوله توغندی په جنوب کښې په ینبع سیمه کښې په یوه پوځی مرکز وویشت .

دغه توغندی په سعودی عربستان کښې د ینبع دتیلو په بندر لګیدلی او په دغه ښار کښې یې د بم چاودنې ویرونکی غږ رامینځته کړی دی .

دیمن عسکرو دسعودی عربستان په جنوب کښې په نجران کښې په الصله اډې کښې دعسکرو په مرکز د کاتیوشا توغندی حمله وکړه او له کبله یې  یوشمیر تیریګر  مړه او ژوبل شوی دی .

دغه راز په جازان سیمه کښې دیمن د ترټولو ستر سرحدی ښار په خوبه سیمه کښې د سعودی عربستان دګوډاګیانو په مرکز د زلزال یو(Zelzal-1) ډوله توغندی په حمله کښې په لسګونو ګوډاګیان هلاک او یوشمیر نور ژوبل شوی دی .

المسیره ټیلی ویژن هم وویل د سعودی عربستان دتیریګرو او د یمن د عسکرو ترمینځ په الجوف ولایت کښې  په خب والشعف سرحدی ولسوالۍ کښې د مهاشمه سیمې په  جنګونو کښې دعربستان دګوډاګیانو اوه(۷) پوځی ګاډی تباه شول .

دیمن په لویدیځ ساحل کښې په تیرو دریو(۳) ورځو  کښې څلور سوه اتلس(۴۱۸) ګوډاګیان هلاک شوی او درې سوه دوه ویشت(۳۲۲) نور ژوبل شوی چې ډیر پکښې مرګی حاله دی .