د الحدیده د نیولو په هکله د عربستان ادعاګانې دروغ دي
د یمن د انصار ا... غورځنګ عمومي منشي په الحدیده له حملې د سعودي تیري ګرو د اهدافو په تشریحولو سره وویل : دغه جنګ به د تیري ګرو لپاره په لویې جبې بدل کړو.
سعودي تیري ګر ایتلاف د جون له دیارلسمې دامریکا، فرانسې او انګلستان د ځواکونو په مرسته د یمن د الحدیده بندر د نیولو لپاره هر اړخیزه هوایي سمندري او ځمکنۍ حمله پيل کړې چې تر اوسه د یمني ځواکونو په مقاومت سره دغه حملې ناکامه پاتې شوې دي.
د المیسره چینل د راپور له مخې د یمن د انصار ا... غورځنګ عمومي منشي عبدالملک بدرالدین الحوثی پرون په دې په تاکید سره چې د دغه هیواد خلک به هیڅکله تیري ګرو ته تسلیم نه شي وویل: امریکا . انګلستان او صهیونسټ رژیم د لویدیځ ساحل په جنګ کې عملي او نیغ په نیغه رول لري.
الحوثي په دې بیان سره چې یمن د الحدیده بندر په وارداتو د ملګرو ملتو له څارنې سره موافق دی زیاته کړه: په سره سمندر کې د کشتۍ چلولو لپاره هیڅ ډول ګواښ نیشته او د تیري ګرو دروغجنې ادعاګانې په سیمه کې امریکا او اسراییلو د واک موندلو لپاره ترسره کیږي.
الحوثي دې ته په اشارې سره چې تیري ګرو هیوادونو په سره سمندر کې کشتۍ چلونه له خطر سره مخامخ کړې خبرداری ورکړ چې د یمن پوځ او ځواکونه د تیري ګرو د حملو د دفع کولو لپاره د هغ وي په جنګي بیړیو حملې کوي.
د انصارا... مشر په دې بیان سره چې د تیري ګرو اصلي هدف په یمن او په تیره بیا د هغه په بندرونو او سواحلو او باب المندب د بشپړ واک حاصلول دي وویل: په لویدیځ ساحل کې تر ټولو لویه استراتژیکه سیمه هماغه شان د یمني ځواکونو په لاس کې ده.
