امارات په الحدیده کې د اوربند په هکله دروغ وایي
د یمن خارجه وزیر په الحدیده کې د پوځي عملیاتو د بندولو په هکله د اماراتو د خارجه وزیر د سلاکار د خبرو په ردولو سره وویل چې په دغه ښار د تیري ګرو حملې هماغه راز روانې دي.
د یمن د سبا خبري اژانس د راپور له مخې د یمن خارجه وزارت پرون وویل: د یمن د ولسي کمیټو او پوځي ځواکونه هماغه شان د سعودي تیري ګرو او د هغوي د تالي څټو له اشغالګرو قواوو سره مقابله کوي او هغوي ته یې درانه تاوانونه اړولې دي.
د یمن خارجه وزارت د اماراتو په خارجه وزارت کې د سلاکار وزیر انور قرقاش د خبرو په ردولو سره هغه د نړۍ د عمومي افکارو د غولولو او په الحدیده کې په خپلو ماتو د برغولي کیښودلو لپاره د تیري ګرو هیوادونو د هڅو دوام وباله او وې ویل دغه تیري ګر هیوادونه او په سر کې یې امریکا په یمن کې دجنګ اصلي عوامل دي.
د سعودي تیري ګر ایتلاف د امریکا انګلستان او فرانسې په ملاتړ د جون له دیارلسمې په الحدیده بندري ښار کې عامو خلکو ته د خطر پیښیدلو په هکله دنړیوالو سازمانونو له خبرداري سره سره په دغه ښار حمله پیل کړه خو تر اوسه د الحدیده ښار یا بندر په نیولو کې پاتې راغلې او د سر او مال درانه تاوانونه یې زغملې دي.
