عربستان د کاناډا سفیر وباسه
د عربستان د بهرنیو چارو وزارت نن سهار په دغہ هیواد کښې د مدني ټولنې او د ښځو د حقوقو د فعالانو له نیولو څخه د کاناډا د حکومت د اندیښنې څرګندولو په غبرګون کښې په ریاض کښې د کاناډا سفیر یو ناخوښه کس وباله او تر راتلونکو ۲۴ ساعتونو پورې یې ورته له عربستانه د وتلو حکم ابلاغ کړ.
د ایرنا د خبر له مخې سعودي عربستان همداشان له کاناډا څخه خپل سفیر بیرته وروغوښته او په دغه هیواد کښې یې خپل ټول نوي سوداګري او د پانګونې فعالیتونه وځنډول.
د ویلو ده چې سعودي رژیم تیره اونۍ د سمر بدوي او نسیمه الساده په نومونو د مدني ټولنې او د ښځو د حقوقو دوه فعالانې نیولې دي.
کاناډا له دغو نیونو وروسته په یوه خبرپاڼه کښې په عربستان کښې د مدني فعالانو له نیول کیدو اندیښنه څرګنده کړه او د هغوي د آزادۍ غوښتنه یې وکړه.
زیاتره نړیوالو او د بشري حقوقو سازمانونو لکه د بخښنې نړیوال سازمان او د بشري حقوقو څارونکې ادارې هم د سعودي رژیم پر دغه کار نیوکه کړې ده.
د دغو سازمانونو په وینا، سعودي رژیم په نړۍ کښې د بشري حقوقو یو ستر خلاف ورزي کونکی دی.
په عربستان کښې د سیاسي بندیانو شمیر کابو ۳۰ زره تنه دی چې د عربستان د خلکو خلاف د آل سعود ډیکټاټور رژیم د پولیسي سیاستونو د ژورتیا ښودنه کوي.
