اسراییلي ځواکونو یو ځل بیا په لسګونو فلسطینیان ژوبل کړل

د غزې په سمندرې لاریون کې په ګډونکوونکو د قدس د نیواکګر رژیم د پوځیانو په برید کې  یو شمیر فلسطینیان ژوبل شول.

د فلسطین د اطلاع رسولو د مرکز د راپور له مخې  اسراییلي پوځیانو پرون مازیګر  په جنګي مرمیو او اوښلنو ګازونو سره   د غزې په هغو استوګنو چې د دغه سیمې د محاصرې د لغو کولو  په نولسم سمندري لاریون کې یې برخه اخستې وه  ډزې وکړې  چې پکې په لسګونو فلسطینیان منجمله یو مرستندویه کس ژوبل شو.

د اسلامي جهاد غورځنګ د یو مشر احمد مدلل په وینا  د فلسطین ولس  د ستنیدو د حق په مظاهرو او خوځښتونو کې په پرله پسې ګډون سره  د غزې محاصره ماته کړي.

 مدلل د ملګرو ملتو په امنیت شورا کې د حماس د غندلو د پریکړه لیک د مسودې په تصویبولو کې  دامریکا ماتې ته په اشارې سره  وویل امریکا د فلسطین ولس په خلاف د صهیونسټ رژیم په جنایتونو کې شریکه ده.