جولان سیمه د سوریې ده
په لویدیځې آسیا کښې د بشري حقوقو نړیوالې کمیټې وویل: جولان د سوریې په خاورې پورې اړوند دی او هیڅوک حق نه لري چې د هغه مالکیت سلب کړي.
په لویدیځه آسیا کښې د بشري حقوقو نړیوالې کمیټې یوځل بیا په اسرائیل کښې د سوریې د نیواکي جولان لوړو د شاملولو په هکله د امریکې د ولسمشر ډونلډ ټرمپ پریکړه یوځل بیا وغندله او له خپل وطنه کډه کیدو ته د جولان د اوسیدونکو د مجبورولو لپاره د اسرائیلو د نیواکګر رژیم د طرحو په هکله یې خبرداری ورکړ.
په لویدیځه آسیا کښې د بشري حقوقو د نړیوالې کمیټې کمشنر هیثم ابوسعید په یوه خبرپاڼه کښې څرګنده کړه: د اسرائیلو نیواکګر رژیم د سیمې د ټوټې کولو لپاره د صهیونیسټي طرحې د بشپړولو په چوکاټ کښې د جولان له اوسیدونکو د دغې سیمې د خالي کولو په لټه کښې دی.
هغه زیاته کړه چې د اسرائیلو دغه طرحه د ټولو نړیوالو منشورونو او قوانینو خلاف ده.
