د سعودي ائتلاف جنګي الوتکو بيا په يمن پراخې حملې وکړې
د يمن د وسله والو ځواکونو وياند جنرل يحيحی السريع بېګا وويل، د سعودي تيري ګر ائتلاف جنګي الوتکو په تېرو اته څلوېښت ګېنټو کښې د يمن مختلفې سيمې پنځوس ځل بيماري کړې.
زمونږ د خبريال د رپوټ له مخې جنرل يحيی السريع زياته کړه، د يمن صعده او حجه صوبې د دغه هېواد له نورو صوبو نه زياتې د سعودي تيريګر ائتلاف د جنګي الوتکو د حملو هدف ګرځېدلې دي.
په دغو حملو کښې د احتمالي سر او مال تاوانونو په اړه لا څه رپوټ نه دے خپور شوے.
سعودی د اماراتو، امريکې، اسرائيلو او څو نورو عربي او لويديځو هېوادونو په ملاتړ او اقتدار ته د مستعفي او فراري ولسمشر عبد ربه منصور د رسولو په بهانه د ۲۰۱۵ ميلادي کال له مارچ راهسې د يمن د خلقو خلاف حملې شروع کړې دي چې اوس هم دوام لري او په دغو حملو کښې په زرګونو کسان مړۀ او ژوبل شوي او د هېواد روغتونونه ، ښوونځی ، بېخ بنائي تاسيستات او د خلقو کورونه تباه کړې شوي دي . او په ميلينونو يمنيان کډه په سر شوي او اوس هم يمنيان د زمکې ، هوا او سمندر له لوري په محاصره کښې له سختو خوراکي، درملي او د ضرورت وړ نورو څيزونو له سخت کمښت سره مخامخ دي.
سعودي رژيم او د هغه انډيوالان تر اوسه د يمن د خلقو د مقاومت په وجه په دغه هېواد کښې خپلو مقاصدو يعنې اقتدار ته د خپلو لاسپوسو په رسولو کښې نه دي کامياب شوي
