د بغداد په مظاهرو کښې د امریکې بیرغ وسوزول شو

عراقي مظاهره چیانو بیګا د بغداد په التحریر چوک کښې د امریکې او صهیونیسټي رژيم بیرغونه وسوزول.

د عراق معترضو مظاهره چیانو د خپل هیواد په کورنیو چارو کښې د امریکې او صهیونیسټي رژیم د لاسوهنو خلاف شعارونه ورکړل.

هغوي وویل چې امریکا او صهیونیسټي رژیم د دوي د معیشتي اعتراضونو د بې لارې کولو هڅه کوي.

د ویلو ده چې په عراق کښې په اقتصادي او معیشتي حالاتو، مالي فساد او بې روزګارۍ باندې د خلکو د مظاهرو نوی پړاؤ د اکتوبر د میاشتې له پنځمې نیټې پیل شول. بعثیانو، د داعش پاتې کسانو او ځینو بې لارو بهیرونو چې د بهرنیو لوبغاړو په تیره بیا د امریکې، صهیونیسټي رژيم او سعودي عربستان تر ملاتړ لاندې دي، په عراق کښې د خلکو دغه مظاهرې د تشدد په لور ټیل وهلې.