د سوریې عسکرو د حلب، دمشق لاره ازاده کړه
زمونږ خبریال وايي د سوریې پوځ بریالی شو له حلب څخه دمشق ته تلکي نړیواله لاره د ترهګرو ډلو له نیواک څخه ازاده کړي .
د ادلب او د حماه لخوا له حلب څخه دمشق ته تللي نړیواله لاره اوس په کامل ډول د ترهګرو له وجود څخه پاکه کړې شوي ده او هلته بشپړه امنیت ټینګ دی .
د سوریې عسکرو په راشدین څلور(۴) نومې سیمه کښې په ترهګرو باندې له حملې او له دغه سیمې د هغوې له شړلو وروسته د خپلو پرمختګونو په دوام کښې د ځمکې لاندې ټونلونه او هغه تاسیستات چې ترهګرو استعمالول کشف او تباه کړل .
د سوریې عسکرو په ترهګرو ډلو باندې په بریدونو سره د حلب په لویدیځ کښې« اروم الصغرا »کلی هم ازاد کړ او په «اروم الکبری» او دهغه په خوا وشا کښې یې د ترهګرو پرضد عملیاتو ته دوام ورکړ .
د سوریې پوځ په تیرو دوو (۲)میاشتو کښې له ترهګرو ډلو څخه دیارلس سوه (۱۳۰۰) کلومیټره ځمکې ازادې کړي دي او اوس د ادلب ولایت مرکز ادلب ته نږدې شوي دي .
