د سوریې پرضد بندیزونه د قانون خلاف ورزۍ ده
زمونږ خبریال وايي د سوریې د بهرنیو چارو وزارت په یوې (۱) خبرپاڼه کښې د سزار (قیصر) قانون په چوکاټ کښې د دمشق پرضد د امریکا بایکاټونه د نړیوالو قوانینو او د بشري حقوقو ښکاره خلاف ورزۍ وبلله .
د سوریې د باندنیو چارو وزارت وویل د امریکا حکومت چې د خپل هیواد د جنایتونو او د خپلو ښاریزو د وژلې له تاریخ څخه په بیلګه اخیستلو سره ترټولو بده توکمپالنه غوره کړي ده د بشري حقوقو په هکله د څه ویلو حق نلري.
دغه بیانیه زیاتوي هیڅوک د سوریې له خلکو د ملاتړ په هکله د امریکا د ولسمشر او د دغه هیواد د چارواکو په ادعاګانو نه غولیږي ځکه چې د دوې سیاستونه چې په سیمه کښې د اسرائیلو د ګټو په خدمت کښې نابودۍ او بې ثباتۍ ډالۍ کوي ایشوا شوي دي .
د سوریې د بهرنیو چارو وزارت دغه راز د امریکا د اقداماتو په وړاندې د خپل هیواد د ملت د پوځ او د حکومت په مقاومت ټینګار سره وویل د سوریې خلک او پوځ به په هماغه ارادې او عزم سره چې ترهګرو ډلو ته یې ماتي ورکړه د ظالمانه بایکاټونو په مقابل کښې هم ودریږي .
د امریکا د باندنیو چارو وزیر مایک پمپئو پرون د سوریې د حکومت پرضد د بایکاټونو د اعمالیدا د پیلیدا خبر ورکړ .
د سوریې د ولسمشر بشار اسد او د هغه د میرمنې په شمول د دغه هیواد نهه دیرش (۳۹) شخصیتونه د سزار د قانون په چوکاټ کښې د امریکا په بندیزونو کښې شامل دي .
