د عراق خلک د امریکا د پوځيانو وتل غواړي
فارس خبري اژانس وايي د عراق په پارلمان کښې د الفتح ائتلاف استازي فاضل جابر وویل د مقاومت د ځواکونو د حملو له ویرې په هیواد کښې د امریکا د عسکرو شمیر کم شوی دی .
هغه نن وویل له عراق څخه د امریکا د عسکرو د ایستلو لپاره د پارلمان د مصوبې اجرا کول ضروري دي او د امریکا ترهګر عسکر باید له هیواد څخه ووځي ځکه چې پارلمان د واشنګټن د ترهګرو پوځیانو وتلو ته رایه ورکړي ده .
د عراق د الفتح ویاند احمد الاسدي هم وویل دغه ائتلاف په ځلونو ویلي دي چې په هیواد کښې د امریکا د عسکرو له پاتې کیدا سره مخالف دی .
د عراق د پارلمان استازیو د روان میلادي کال د جنورۍ د میاشتې په پینځمه (۵) نیټه له خپل هیواد څخه د امریکا د پوځیانو د وتلو پلان تصویب کړ .
د عراق خلکو د روان میلادي کال د جنورۍ د میاشتې په پینځویشتمه (۲۵) نیټه د امریکا پرضد میلیوني مظاهرې ترسره کړې او له خپل هیواد څخه د ترهګرو امریکايې عسکرو د ایستلو غوښتنه یې کړي وه .
