د عربو اتحادیه د خائنو هیوادونو لپاره اوزار دی
فارس خبري اژانس وايي د فلسطین د ازادۍ لپاره د ولسي جبهې غورځنګ د عربو اتحادیه د خائنو او د ګوډاګیو هیوادونو لپاره یو(۱) اوزار وباله چې د دوې سیاستونه اجرا کوي .
د فلسطین د ازادۍ لپاره د ولسي جبهې غورځنګ نن په یوې (۱) خبر پاڼه کښې د عربو اتحادیې په غونډه کښې له صهیونیسټ رژیم سره د اړیکو د عادي کولو د اقدام د غندلو د پریکړه لیک د مسودې نه تصویبیدل وغندل او ویې ویل د متحده عربي اماراتو د غندلو د پلان نه تصویبیدل یوځل بیا د عربو اتحادیې بې مسولیتۍ او پوچوالی وښود .
دغه غورځنګ وویل د عربو اتحادیې دریځ ، له متحده عربي اماراتو څخه د دغه اتحادیې ناوړه پلویتوب او د ابوظهبۍ او د نورو هیوادونو هڅول دي چې له اسرائیلو سره د اړیکو د عادي کولواو د دغه رژیم په رسمیت د پیژندلو په لور حرکت وکړي .
په دغه بیانیې کښې د فلسطین په ازادي غواړي موسسې او ټولو ملي فلسطیني ډلو غږشوی د عربو اتحادیې له دریځونو سره مقابله وکړي او داسې سیاستونه غوره کړي چې پراساس یې له صهیونیسټ رژیم سره موافقې لغو شي .
یوشمیر عربو هیوادونو د عربو اتحادیې په پرونۍ غونډې کښې د هغه پریکړه لیک مسوده چې فلسطین له صهیونیسټ رژیم سره د متحده عربي اماراتو د اړیکو د عادي کیدا پرضد وړاندي کړي وه ناکامه کړه .
