د ترکیې پوځ د عراق په شمال سیمو بریدونه کړي
ایرنا خبري اژانس وايي د عراق سرچینو بیګا د خپل هیواد په شمال باندې د ترکیې د توپونو د ډزو او د جنګي الوتکو د بریدونو خبر ورکړ .
د عراق په کردستان سیمه کښې یوې (۱) امنیتي سرچینې وویل د ترکیې جنګي الوتکو په شمال کښې په څو سیمو بمبارې کړي دي .
په عین حال کښې شفق نیوز خبري سایټ راپور ورکړ د ترکیې توپونو د عراق په شمال کښې په «زاخو» سیمې ډزې کړي دي .
ترکیې په تیرو څو کلونو کښې د کردستان د کارګرانو ګوند پي کی کی د عناصرو د ځپلو په پلمه د عراق په خاورې په ځلونو تیري کړي دي .
د عراق حکومت او د نړۍ نورو هیوادونو د ترکیې دغو تیریو ته غبرګونونه ښودلي دي .
د عراق د ولسمشر دفتر هم څه موده مخکې په شمال باندې د ترکیې د تیریو په غندلو سره وویل د عراق په خاورې باندې د ترکیې د پوځ بیا بیا تیري د بغداد د واکمنۍ او د نړیوالو مقرراتو او د قوانینو خلاف ورزۍ ده او د ګاونډي توب له اصولو سره توپیر لري .
