د امریکا عسکر باید زر له عراق څخه ووځي
زمونږ خبریال وايي د عراق د پارلمان د دفاع او د امنیت کمیسیون غړي کاطع الرکابي ټینګار وکړ فرق نه کوي چې څوک د امریکا ولسمشر جوړیږي خو له عراق څخه د امریکا د پوځیانو د وتلو مصوبه باید اجرايي شي .
هغه وویل که ډونالډ ټرمپ د امریکا ولسمشر وي او که جو بایډن له عراق څخه د امریکا د عسکرو د وتلو مصوبه لغو کیدونکي نه ده ځکه چې هغه د پارلمان لخوا تصویب شوي ده او اجرا ته ضرورت لري .
د عراق د پارلمان د دفاع او د امنیت د کمیسیون غړي کاطع الرکابي له خپل هیواد څخه د امریکا د عسکرو شړل د عراق د خلکو اراده او غوښتنه وبلله او زیاته یې کړه د بغداد حکومت باید له هیواد څخه د واشنګټن د پوځیانو د ایستلو د مهال ویش د ټاکلو لپاره اقدام وکړي .
د امریکا نیواکګر عسکر له تیرو څو کلونو راهسې د عراق په بیلابیلو سیمو کښې دیره دي .
د عراق خلکو په ځلونو په هیواد کښې د امریکا د نیواکګرو عسکرو له شتون سره مخالفت اعلان کړی دی او پارلمان هم مخکې د یوې (۱) مصوبې په خپرولو سره د خارجي عسکرو د وتلو پرضرورت ټینګار کړی دی .
