امریکا د محمد بن سلمان د څنګ ته کولو پلان لري
د یمني د« شپږویشتم سپتمبر» په نوم یوه (۱)خبري سایټ د امریکا د منتخب ولسمشر جوبایډن د حکومت په پړاو کښې د سعودي عربستان د ولیعهد محمد بن سلمان د څنګ ته کولو لپاره د واشنګټن د پلان خبر ورکړ .
دغه خبري سایټ وویل په یمن باندې د تیري او یا د خبریال جمال خاشقچي په شان د سعودي عربستان د دوسیو په باره کښې د امریکا د نوي حکومت دریځ به د عربستان له رژيم څخه د امتیاز د اخیستلو په چوکاټ خو د ډیموکراټ ګوند په روده وي .
د یمن د سپتمبر د میاشتې د شپږویشتمې (۲۶) نیټې په نوم خبري سایټ د امریکا د نوي ولسمشر جوبایډن دریځ له سعودي عربستان څخه د ملاتړ دوام وباله او زیاته یې کړه د امریکا حکومت به د یمن او د جمال خاشقچي د دوسیو په هواري کښې د خپلې څیرې د ښه ښودلو لپاره د بشري حقوقو او د ډیموکراټ ګوند د شعارونو پراساس عمل وکړي او د محمد بن سلمان د خلاف ورزیو په هکله موجودو سندونو ته په پام سره به هغه له واک څخه څنګ ته کیدا ته مجبوره کړي او د هغه ورور خالد بن سلمان به یې ځای ناستی کړي .
د امریکا منتخب ولسمشر جوبایډن د ولسمشرۍ له انتخاباتو مخکې ویلي وو که چیرې زه ولسمشر شم نو له سعودي عربستان سره په اړیکو کښې به بیا کتنه وکړم او د یمن له جنګ څخه څخه د واشنګټن ملاتړ به پاې ته ورسوم .
