امریکا او ترکیه د سوریې د ترهګرو ملاتړ کوي

ایرنا خبري اژانس وايي د سوریې د خارجه وزیر مرستیال بشار جعفري وویل امریکا او ترکیه هماغه راز د سوریې د شتمنیو د چورتالان کولو او د ملت پرضد د جنایتونو د ترسره کولو لپاره د ترهګرو او بیلتون غواړو ډلو ملاتړ ته دوام ورکوي .

بشار جعفري چې د امنیت شورا په غونډه کښې یې وینا کوله وویل د جولان نیواکي سیمې ته د امریکا د خارجه وزیر مایک پمپئو په وروستي سفر باندې اعتراض کولو سره وویل د سوریې د جولان په نیواکي سیمو کښې له صهیونیسټ میشته ښارګیو د امریکا د خارجه وزیر کتنه به د سوریې د خاورې د نه بیلیدونکي برخې او د نیواکي ټاټوبي په توګه د دغه سیمې حقوقي ، سیاسي او جغرافیايي واقعیتونه بدل نکړي .

د سوریې د خارجه وزیر مرستیال بشار جعفري وویل  د دمشق حکومت به له ټولو حقوقي لارو د جولان د واکمنۍ د بیرته راګرځولو لپاره هڅه وکړي .