بغداد کې د ترهګریزو بریدونو تر شا د ریاض لاس دی

د عربستان یو سیاسي فعال ویلي: په بغداد کې د وروستیو دوو ځانمرګو بریدونو تر شا د سعودی لاس دی ځکه چي پهدې کار سره یې غوښتل د بایډن ادارې ته خبرداری ورکړي.

په امریکا کې عربستانی سیاسی فعال فواد ابراهیم په خپله رسمي ټوییټر پاڼه کې ولیکل: د بغداد په مرکزي سیمه الطیران میدان کې دوې ځانمرګي بریدونه او په ریاض باندې د یمني ولسي ځواکونو د توغندیزو بریدونو جعلی خبر د یو بل سره تړاو لري.

ابراهیم زیاتوي: کله چی د بایډن اداره وغوښتله د انصارالله د غورځنګ په اړه د ټرامپ په فیصلې باندې بیا کتنه وکړي نو پر ریاض باندې د توغندیزو بریدونو جعلي خبر خپور شو او ورسره سم په عراق کې دوې ځانمرګي بریدونه وشول، سعودي وېره لري چي امریکا پر یمن باندې د عربستان په یرغل پام وکړي.