امریکا او اروپايي اتحادیې د اسرائیلو د جنایتونو ملاتړ وکړ .
زمونږ خبریال وايي د امریکا د ولسي جرګې کانګرس مشرې میرمن نانسي پیلوسي د فلسطین د خلکو په حقوقو باندې سترګو پټولو سره د فلسطین د بې دفاع خلکو پرضد د صهیونیسټ رژیم د جنایتونو ملاتړ وکړ .
نانسي پیلوسي د فلسطین د بې دفاع خلکو پرضد د صهیونیسټ رژیم وروستیو ظلمونو او جنایتونو ته له اشارې کولو پرته وویل واشنګټن له اسرائیلو سره ډیرې پیاوړي اړیکې لري او د صهیونیسټ رژیم امنیت د امریکا ملي امنیت ګڼل کیږي .
دغه راز د اروپايي اتحادیې د بهرني سیاست مسول جوزپ بورل هم د صهیونیسټ رژيم له همڅنګ «ګابي اشکنازي» سره په ټیلي فوني تماس کښې د فلسطین د بې دفاع خلکو پرضد د اسرائیلو رژیم د جنایتونو ملاتړ وکړ .
له اسرائیلو د امریکا او د اروپايي اتحاديې د پټو سترګو ملاتړ په داسې حال کښې دی چې ډیرو هیوادونو او د بشري حقوقو د څارونکي موسسې په شمول د بشري حقوقو په زمینه کښې فعالو نړیوالو ادارو د فلسطین د خلکو پرضد د صهیونیسټ رژیم سیاستونه او اقدامات توکمپاله بللي دي او هغې یې مردود ګڼلي دي .
