ملګروملتونو د افغانستان په حالاتو اندیښنه وښودله
زمونږ خبریال وايي د ملګروملتونو ویاند اسټفان ډوژاریک په افغانستان کښې د انساني او د امنیتي حالاتو په خرابیدا اندیښنه څرګنده کړه .
هغه وویل د طالبانو د حملو زیاتیدل او د دغه ډلې لخوا د ډیرو ولسوالیانو نیول کیدل سبب شوي د افغانستان په زرګونو خلک د سیمې هیوادونو ته کډوال شي .
د ملګروملتونو دغه چارواکي په افغانستان کښې د امریکا او د ناټو د شل (۲۰) کلن ماتي خوړلي پوځي شتون ته له اشارې پرته وویل د دغه هیواد د خلکو کډوالیدل ډیرو مالي سرچینو ته ضرورت لري او ممکنه ده په راتلونکو میاشتو کښې جنګونه نور هم پسې زیات شي .
هغه وویل طالبانو تل هڅه کړي ده وښيي چې دغه ډلې ته له پام کولو پرته د افغانستان د راتلونکي انځورول به د جنګ او د ناامنۍ له دوام پرته بل هیڅ نتیجه ونلري .
په افغانستان کښې د ناامنۍ په دوام د اسټفان ډوژاریک اندیښنه په داسې حال کښې ده چې د ملګروملتونو ځینې غړي هیوادونه د کابل د حکومت د مخالفو ډلو په مالي او پوځي ملاتړ کولوسره په افغانستان کښې په ناامنیو کښې لاس لري .
