د افغانستان له طالبانو سره خبرې کول ضروري دي
فارس خبري اژانس وايي د روسیې د ولسمشر ویاند د افغانستان حالاتو او له تاجیکستان سره د افغانستان په سرحد کښې بدلونونو په کتنې سره له طالبانو ډلې سره خبرې اترې ضروري وبللې .
د روسیې د ولسمشر ویاند دیمیتري پسکوف پرون له طالبانو ډلې سره د خبرو اترو د ضروري بللو په ترڅ کښې وویل ولسمشر ولادیمیر پوتین هم له طالبانو سره له خبرو اترو خبر دی .
د افغانستان د طالبانو څلور(۴) کسیزه پلاوی د روسیې له چارواکو سره د کتنې او خبرو اترو لپاره په تیرې پنجشنبې ورځ ماسکو ته تللی دی .
دغه راز د طالبانو ډلې یوه(۱) استازي په ماسکو کښې وویل په ډیرو موردونو کښې امریکا له دغه ډلې سره په موافقې کښې لیکل شوې ژمنې تر پښو لاندې کړي دي .
د طالبانو ډلې د استازندویه پلاوي مشر شهاب دلاور پرون په ماسکو کښې د واشنګټن لخوا د طالبانو او د امریکا ترمینځ د موافقې د مادو خلاف ورزۍ ته په اشارې سره وویل له افغانستان څخه د امریکا د پوځیانو په ایستلو کښې ځنډ راوستل ، د بندیانو خوشي کولو ته اړونده مادې ته بې پامۍ او داسې نور ډیر موردونه د امریکا د ژمنو د خلاف ورزۍ په توګه ګڼلی شو .
شهاب الدین دلاور د ماسکو په غونډې کښې د امریکا او د هغې د ملګرو لخوا د افغانستان د شل (۲۰) کلن نیواک ناوړه پایلو ته په اشارې سره وویل د واشنګټن دغه شل (۲۰) کلن نیواک د افغانستان د خلکو لپاره له ورانۍ ، وژلې ، کډوالۍ او د هیواد دبیخ بنایانو له تباه کیدا پرته بل هیڅ نتیجه نه ده لرلي .
