د افغانستان له شمال څخه د روسیې ډیپلوماټان ووتل

فارس خبري اژانس وايي روسیې د امنیتي مسائیلو په دلیل د افغانستان له شمال څخه خپل ډیپلوماټان وویستل .

په افغانستان په تیره بیا په شمال کښې په بلخ ولایت کښې د امنیتي حالاتو له خرابیدا وروسته روسیې نن وویل  د بلخ ولایت په مرکز مزارشریف کښې یې له خپلې کنسولګرۍ څخه ډيپلوماټان ایستلي او ازبکستان ته یې انتقال کړي دي .

د افغانستان په چارو کښې د روسیې ځانګړي استازي ضمیر کابلوف تاس خبري اژانس ته وویل د بلخ ولایت په مرکز مزارشریف کښې د روسیې د کنسولګرۍ ډیپلوماټان د امنیتي دلایلو په خاطر تللي دي او په موقته توګه ازبکستان ته لاړ دي .

کابلوف وویل حاضردمه په کابل کښې د روسیې ډيپلوماټانو ته کوم خطر نشته .

د هندوستان ډیپلوماټان هم تیره اونۍ له مزارشریف ښار ته وتلي وو .