روسیې د افغانستان زرو ښاریزو ته د ورتلو اجازه ورکړه
د روسیې خبري اژانس راپور ورکړی ماسکو د افغانستان زرو (۱۰۰۰) ښاریزو ته چې د روسیې پاسپورټونه ورسره دي او هلته د وسیدا حق لري ماسکو ته د ورتلو اجازه ورکړه .
له دې مخکې د روسیې ولسمشر ولادیمیر پوتین ویلي وو چې ماسکو به په افغانستان کښې خپل پوځیان دیره نکړي .
پوتین ویلي روسیه د افغانستان په کورنیو چارو کښې د لاسوهنې هیڅ اراده نلري .
د روسیې ولسمشر وویل مونږ د پخواني شوروي له ماتي څخه درس اخیستی دی .
له بلې خوا چین په افغانستان باندې د طالبانو له واکمنیدا څخه مخکې په دغه هیواد کښې له دیره خارجي عسکرو د احتساب غوښتنه کړي ده .
د ملګروملتونو په بشري حقوقو شورا کښې د چین سفیر وویل د بشري حقوقو د خلاف ورزۍ په وجه د امریکا د بریتانیا او د اسټرالیا په شمول د نورو خارجي عسکرو باید احتساب وشي .
بل خبر دا چې د افغانستان طالبانو د کابل د هوايي ډګر د چلولو لپاره له ترکیې څخه مرسته غوښتي ده .
ویل کیږي چې د افغانستان طالبانو د کابل د هوايي ډګر د اداره کولو لپاره له ترکیې څخه فني مرسته غوښتي ده .
د ترکیې چارواکو دغه راز وویل طالبانو ټینګار کړی دی چې د ترکیې پوځیان هم باید د اګست د میاشتې تر یودیرشمې (۳۱)نیټې پورې له افغانستانه ووځي .
د طالبانو د مشروطې غوښتنې منل د ترکیې د چارواکو لپاره سخته فیصله ده .
