د روسیې د عملیاتو هدف د امریکا د سلطې ختمول دي
اسپوتنیک خبري اژانس وايي د روسیې د بهرنیو چارو وزیر سرګي لاوروف په اوکراین کښې د ماسکو د ځانګړیو عملیاتو هدف په نړۍ باندې د امریکا د سلطې د لارې ختمول وباله .
په داسې شرایطو کښې چې لویدیځو هیوادونو اوکراین ته د وسلو د استولو ژمنه کړي ده سرګي لاوروف د امریکا او د اروپا په سیاستونو باندې نیوکه وکړه .
سرګي لاوروف په دې خبرې سره چې روسیه خارجي دباونو ته نه تسلیمیږي په اوکراین کښې د ماسکو د ځانګړیو عملیاتو هدف د نړیوالې سلطې لپاره د واشنګټن د پروګرامونو ختمول وګڼل .
د روسیې خارجه وزیر سرګي لاوروف زیاته کړه د امریکا دغه سلطه ګري د نړیوالو قوانینو په خلاف ورزۍ کولو سره رامینځته کیږي او له له ځینو نامعلومو قوانینو سره سمون خوري چې په ځینو موردونو کښې اعمالیږي .
هغه یادونه وکړه دغه احتمال شته چې د اوکراین ځواکونه د لویدیځو هیوادونو د استخباراتي ادارو په ملاتړ سره نوي لمسونکي اقدامات ترسره کړي .
