روسیې ته د ایران د وسلو د استولو خبر جعلي دی
فارس خبري اژانس وايي په تهران کښې د روسیې سفارت روسیې ته د ایران د وسلو د استولو په هکله خپاره شوي خبرونه جعلي وبلل .
څه موده مخکې د بریتانیا ګارډین ورځپاڼې په یوه راپور کښې د اوکراین په جنګ کښې د استفادې لپاره له عراق څخه د ټانک ضده توغندیو او له ایران څخه روسیې ته د ایران د باور درې سوه درې اویا (۳۷۳)ډوله توغندیو د استول کیدا ادعا کړي وه .
د دغه راپور له خپریدا وروسته په بریتانیا کښې د ایران د اسلامي جمهوریت سفارت د بریتانیا د ګارډین ورځپاڼې ادعا دروغ وبلله او هغه یې یو(۱) بې اساسه او غیر حرفه اي راپور وباله .
په بریتانیا کښې د ایران د سفارت په ټویټر پیغام کښې ویل شوي دي د اوکراین پرضد له عراق څخه د ایران لخوا د قاچاق شویو وسلو د روسیې د استفادې په نوم سره د ګارډین ورځپاڼې راپور یوه(۱) بې اساسه او غیر حقیقي کیسه ده او د مینځني ختیځ له بدلونونو سره په اوکراین کښې د وروستیو بدلونونو ترمینځ د ارتباط د رامینځته کولو لپاره هڅه ده او د ایران د نوم اخیستل د نه منلو وړ او غیر حرفه اي اقدام او د ګارډین ورځپاڼې لوستونکو ته یو ډول بې احترامي ده .
په تهران کښې د روسیې سفارت نن په یوې(۱) بیانیې کښې وویل هغه خبرونه چې په ځینو رسنیو کښې روسیې ته د ایران د وسلو د استولو په هکله خپاره شوي دي جعلي او هغه هیڅ حقیقت نلري .
