امیر عبداللهیان له پيټرسن سره د سوریې بدلونونه وڅیړل

د ایران د بهرنیو چارو وزیر او د سوریې په چارو کښې د ملګرو ملتو د سرمنشي ځانګړي استازي د دغه هیواد وروستي بدلونونه وجاجول

د ایرنا د خبر له مخې حسین امیر عبداللهیان پرون د سوریې په چارو کښې د ملګرو ملتو د سرمنشي له ځانګړي استازي ګیر پيټرسن سره په کتنه کښې د دغه هیواد وروستي سیاسي بدلونونه او میداني حالت وڅیړه.

امیر عبداللهیان په دغه ملاقات کښې هم داشان په سوریې کښې انساندوستانه مسائلو ته په پاملرنې باندې ټینګار وکړ.

 د ایران خارجه وزیر حسین امیر عبداللهیان چې د ملګرو ملتو د عمومي ټولنې په غونډه کښې د ګډون لپاره نیویارک ته تلی دی، د سویډن، ناروی، بیلجیم، هالینډ، عراق، سوریې، لبنان، ونزویلا، موریتانیا، یوګانډا، قطر، اماراتو، اردن، بلاروس، آذربایجان جمهوریت او ارمینیا په شمول د مختلفو هیوادونو له خارجه وزیرانو سره یې ملاقاتونه کړي دي.