القاعده په افغانستان کښې په آزاده فعالیت کوي
انتونیو ګوترش پرون د افغانستان د حالت په هکله خپل درې میاشتنې رپورټ امنیت شورا ته ورکړ.
د ملګرو ملتو سرمنشي انتونیو ګوترش په یو رپورټ کښې ویلي دي چې په کابل کښې د القاعدې د مشر انتونیو ګوترش وژل کیدو له ترهګرو ډلو سره د طالبانو اړیکه په ډاګه کړه او دا ښودنه کوي چې دغه نیټ ورک په افغانستان کښې د حرکت آزادي لري.
د ملګرو ملتو سرمنشي په هغه رپورټ کښې چې د دغه سازمان د امنیت شورا غونډې ته یې وړاندې کړ، په افغانستان کښې د ترهګرو ډلو په تیره بیا د القاعده شبکې له شتون څخه اندیښنه ښودلې ده.د دغه رپوټ له مخې، په کابل کښې د ایمن الظواهري د وژل کیدو په هکله د امریکې بیانیې له ترهګرو ډلو سره د طالبانو د اړیکو دوام څرګند کړ کوم چې د دغې ډلې د ترهګرۍ خلاف ژمنو په اپوټه دي.
خو طالب چارواکو د دې رپورټ تحقیقات او موندنې رد کړې دي.
د رپورټ په اساس که څه هم امنیتي پیښې کمې شوې دي خو د افغانستان په ۲۶ ولایتونو کښې ۲۲ طالبان ضده ډلې موجودې دي.
د ګوترش په رپورټ کښې بدو اقتصادي حالاتو او په افغانستان کښې په بشري حقوقو باندې او هم داشان د ښځو په آزادۍ باندې د محدودیتونو لګیدو ته هم اشاره شوې ده.
