اوکراین د وسلو د ترلاسه کولو لپاره هر کار کوي
فارس خبري اژانس وايي د روسیې د باندنیو چارو د وزارت ویاندې میرمن زاخارووا په دې خبرې سره چې کي یف نړیوال ثبات او د خواړو د امنیت غوښتونکی نه دی وویل اوکراین د پیسو او د وسلو د لاس ته د راوړلو لپاره هر کار ته لاس اچوي.
د روسیې د خارجه وزارت ویاندې میرمن ماریا زاخارووا بیګا وویل چې اوکراین له لویدیځو هیوادونو او د هغوې له متحدانو د وسلو او د پیسو د ترلاسه کولو لپاره هر کار ترسره کوي.
څه د پاسه اته میاشتې کیږي چې د اوکراین جنګ په ټولو پراخو سیاسي، پوځي ، اقتصادي، ټولنیزو او حتی کلتور اړخونو سره دوام لري او اوکراین ته د لویدیځو هیوادونو د وسلو استول هماغه راز دوام لري.
اروپايي او لویدیځ هیوادونه په تیره بیا امریکا د روسیې فیدراسیون پرضد د بایکاټونو د دباو په زیاتیدا او کي یف ته د ډول ډول سپکو او درنو وسلو په استولو سره نه یوازې د اوکراین د جنګ د ختمولو لپاره کوم ګام نه دی پورته کړی بلکې له مخکې څخه زیات یې په اوکراین کښې د جنګ او نښتې زیاتیدا ته لمن وهلي ده.
روسیې په ځلونو ویلي دي چې اوکراین ته د وسلو استول نه یوازې په دغه هیواد کښې د شخړې د زیاتیدا سبب کیږي بلکې د نه اټکل وړ پایلې هم په ځان پسې لري.
